تخيلوا بكام تركيب متبت السرعة ومحدد السرعة

عرض للطباعة

21-10-2008, 02:15 AM
mich_e_l2000

تخيلوا بكام تركيب متبت السرعة ومحدد السرعة

انا يا جماعة بدور على ميجان 2 تكون كسر زيرو وكاملة بانوراما 2006 او 2005
ولكن كل اللى بلاقية بدون المثبت والمحدد
ففكرت انى اشترى العربية بدونهم عشان يبقى البحث اسهل واركبهم بالتوكيل
وقلت اكيد مش هيعدوا الالفين او تلاتة
فاتصلت بالتوكيل ووصلونى على المهندس المختص فاكد انة ينفع طبعا التركيب المثبت والمحدد
وسالتة عن السعر طبعا
وهنا كانت الكارثة

تخيلوا ب
8000 جنية بدون الضريبة والمصنعية:k20:

ولا تعليق
21-10-2008, 02:21 AM
Nour_Peugeot

ليه يعني ده انا اجيب عربية سيات تثبتلي العسرعة هههههههههه

معلش يعني
21-10-2008, 03:54 AM
Hacker5

oh my god !!!!
21-10-2008, 07:21 AM
محمد عز

انا شايف انه مبلغ عاادى
بالنسبة الى المطلوب
انك تركب مثبت سرعه مش بس الزراير اللى انت بتشوفها فى الدريكسيون
الموضوع اكبر من كده
ده غير انك هتاخد حاجة مضمونة من الوكيل وزى ما تنزل من المصنع
21-10-2008, 08:18 AM
SAbuhashem

دة بيتركب في ال BMW في الحرفيين ب-٢٠٠٠ جنيه و- دول عايزين ٨٠٠٠ جنيه

ليه مثبت سرعة بتاع F16

Thanks
Eng.Sherif Shaker
21-10-2008, 11:05 AM
Sharky

و لو جبته من الحرفيين حتلاقيه أقل من 2000 جم
و ولو بتاع الـ BMW راح ركبه فى التوكيل مش حيقل عن 10 الاف جم
21-10-2008, 11:10 AM
askoda

اقتباس:

المشاركة الأصلية كتبت بواسطة sharky

و لو جبته من الحرفيين حتلاقيه أقل من 2000 جم
و ولو بتاع الـ BMW راح ركبه فى التوكيل مش حيقل عن 10 الاف جم

+11111111111111111
21-10-2008, 11:45 AM
SAbuhashem

بس دي اسمها BMW مش رينو :)

Thanks
Eng.Sherif Shaker
21-10-2008, 11:59 AM
Sharky

ما هو علشان كدة الـ Bmw أغلى
21-10-2008, 07:20 PM
د.محمود صلاح

هيغير الطارة طبعا بما فيها الاير باجز فك وتركيب وهيغير حاجات فى الأنجكشن وهيبرمج ... أعتقد انه مبلغ غير مبالغ فيه ... حضرتك لو محتاجه يبقى دور على واحده فيها المثبت من أساسه أفضل
21-10-2008, 11:29 PM
mich_e_l2000

طيب يا جماعة انا عندى استفساران
1-انا سمعت ان العربية تجميعها ضعيف خصوصا فى الطرق المزدحمة وان التسارع مش ممتاز ....وبرضة ان التكييف مش جيد بالاضافة انة بيؤثر جدا على سحب العربية
اية مدى صحة الكلام دا من عدمة ؟؟؟ ارجو التوضيح

وهل يوجد مكان اقدر اعمل فية Testdrive بنفسى عشان اقدر اعرف واحدد؟؟؟
ويتكلف كام؟؟
2-هو انا مضطر للتوكيل فى كل حاجة ولا ممكن اعمل حاجات برة اصلى بصراحة التوكيل غالى جدا ...ودا اللى مقلقنى فعلا من العربية ...
يعنى انا لو التزمت بالصيانة الدورية اللى كل 10000كم فى التوكيل ...ممكن احتاج حاجة تانية؟؟؟
واية اللى ممكن احتاج انى اعملة بالعربية بخلاف الصيانات الدورية ...وهل يوجد ميكانيكى شاطر بالرينو يقدر ينجز الحاجات دى برة التوكيل ولا انا مضطر تماما للتوكيل كل مرة؟؟؟
شكرا جدا يا جماعة على كرمكم وردودكم
21-10-2008, 11:38 PM
Ahmed Selim

أستاذ ميشيل\ مايكل

أنت كنت بعتلى رسالة النهاردة فيها نفس الأستفسار بس مش هنا

العربية تجميعها ضعيف شوية مع التكييف فى الأول وفى أول التانى ( لو أنت على الأتوماتيك ) لكن لو على الستيب بتبقى كويسة

أنت تقدر تعمل test drive فى التوكيل وببلاش مش هيكلفك فلوس
أنت ممكن تعمل حاجات برة التوكيل بس يستحسن تكون الحاجات الميكانيكية زى شغل العفشة.....وده أنا بعمله بره التوكيل أحياناً......أنا غيرت تيل وطنابير أمامى برة التوكيل عادى

أن شاء الله لو ملتزم بالصيانة مش هتحتاج حاجة تانى
يعنى أنا مغير ( غير الزيوت والفلاتر وخلافه ) بطارية مرتين........مرة فى الضمان ومرة من 8000 كم ( عربيتى عاملة 81 ألف ) ومغير كمان كويل فى الضمان

العربية ده هتعاملها كويس ( وده المفروض اًصلاً مع أى عربية ) هتلاقيها ماشية زى الفل
بالنسبة للميكانيكى أنا أعرف مهندس كويس جداً بتعامل معاه من زمان من قبل الميجان وهو فاهم كويس جداً وكمان كان معاه ميجان...وعشان كده عارفها كويس
22-10-2008, 12:13 AM
mich_e_l2000

استاذ أحمد
انا متشكر جدا على رد حضرتك
حضرتك طمنتى لحد كبير
يعنى حضرتك عامل حتى الان 81000كم
بخلاف الصيانات الدورية
حضرتك مغيرتش فى العربية حاجة بخلاف الكويل والبطارية مرتين والتيل
صح؟؟؟لو كدة تبقى العربية كويسة ...
طيب واية اخبار قطع الغيار اللى حضرتك اشتريتها من برة التوكيل من حيث الاسعار والجودة؟؟
وهل ممكن اخد نمرة المهندس دا لو امكن؟؟
وهل حضرتك تنصح بموديل 2006 اكتر من 2005؟
يعنى هل فى مشاكل فى ال2005 من اى نوع؟؟؟؟
وشكرا لحضرتك جدا جدا
22-10-2008, 12:17 AM
shanodaa

التوكيل اضمن غالي استحمل
22-10-2008, 10:52 AM
Ahmed Selim

اقتباس:

المشاركة الأصلية كتبت بواسطة mich_e_l2000

استاذ أحمد
انا متشكر جدا على رد حضرتك
حضرتك طمنتى لحد كبير
يعنى حضرتك عامل حتى الان 81000كم
بخلاف الصيانات الدورية
حضرتك مغيرتش فى العربية حاجة بخلاف الكويل والبطارية مرتين والتيل
صح؟؟؟لو كدة تبقى العربية كويسة ...
طيب واية اخبار قطع الغيار اللى حضرتك اشتريتها من برة التوكيل من حيث الاسعار والجودة؟؟
وهل ممكن اخد نمرة المهندس دا لو امكن؟؟
وهل حضرتك تنصح بموديل 2006 اكتر من 2005؟
يعنى هل فى مشاكل فى ال2005 من اى نوع؟؟؟؟
وشكرا لحضرتك جدا جدا

بص يا باشا

أنا غيرت الطنابير الأمامى برضه
أسعار التيل برة التوكيل كان ب 160 جم ولسه شغال معايا بقاله حوالى 20 ألف
والطنابير كانت ب 500 جم
معظم المشاكل اللى كانت فى 2005 هى البطارية والكويل وقليل جداً اللى حصل مشاكل معاهم فى علبة الدركسيون + موضوع الجنوط
معلوماتى أن 2006 كل المشاكل دى أتحلت فيها ( عشان غيرو المورد بتاع القطع دى) بس موضوع الجنوط أسمع أنه متحلش قوى.....يعنى لسه فى جنوط بتتنى برضه
22-10-2008, 02:37 PM
Mustafa_Farouk

غالي جداً، مثبت السرعة في اوبل استرا كان بحوالي ١٠٠٠ جنيه مصري، يمكن دلوقتي زاد شوية أو قل بس حيكون في المتوسط دة، أنا عندي بغير الدراع اللي في الشمال بتاع الاشارات وبيكون فيه المثبت للسرعة.
22-10-2008, 07:11 PM
Amr_Moh

اقتباس:

المشاركة الأصلية كتبت بواسطة Moustafa_Farouk

غالي جداً، مثبت السرعة في اوبل استرا كان بحوالي ١٠٠٠ جنيه مصري، يمكن دلوقتي زاد شوية أو قل بس حيكون في المتوسط دة، أنا عندي بغير الدراع اللي في الشمال بتاع الاشارات وبيكون فيه المثبت للسرعة.

mosabet el sor3a f2ii 3arabia mesh dra3 bas
22-10-2008, 11:05 PM
farahat

اقتباس:

المشاركة الأصلية كتبت بواسطة Amr_Moh

mosabet el sor3a f2ii 3arabia mesh dra3 bas

لو العربية دوس البنزين بتاعها كهرباء (accelerate by wire ) و دي زي أغلب العربيات الأوروبي و الأمريكاني الحديث و بعض الياباني ، المثبت فيها بيكون عبارة عن دراع زائد برمجة جديدة للكنترول بتاع الموتور فقط لا غير (أحياناً بيكون الدراع دة جزء من وظايف الدركسيون زي حالة الميجان و في الحالة دي بيتغير الدركسيون نفسه مش بيضاف دراع )
أما لو دوس البنزين ليه شداد بسلك ، في الحالة دي المثبت بيكون ليه أجزاء إضافية غير الدراع و وحدة تحكم منفصلة و شداد خارجي و أحياناً طرمبة هوا مخصوص تركب على الشداد (و النوع دة هو إلي ممكن يركب كمان على عربية مش بينزل ليها مثبت أصلاً